А. Пахмутова — Н. Добронравов
НАДЕЖДА = ОСКОН 

Ят пиштэ тылси – пеймыт инмын. 
Аэродромъёс югдытэмын ни.
Выльысь иськемъёс – асьме куспын –
Выльысь дормылэсь – туж кыдёкын ми.
Та палан али – бусмыт зоръёс.
Та палан ӟардон ӵукна – кезьыт ик.
Та – чик тодмотэм сюрес вожъёс – 
Паймымон улон шоры вутто ук!

Оскон ке монэн кивалтэ,
Дӥсьтэме понна котьку но удалтоз.
Кырӟан нош – тырмыт одӥген,
Доре сярысь мед гинэ со луоз.

Оскы тон, татын – кыдёкысен – 
Чик кулэтэмзэ – адӟын уг луы.
Зор пилем но син куспын сылме,
Йыркуръяськон чик кема уг улы.
Улонлэсь шудо гожтэтъёссэ
Шер ке но, куд-ог октон понна нош
Витьыны гинэ со дышоно,
Гань-гань но чидась луын кулэ со.

Оскон ке монэн кивалтэ,
Дӥсьтэме понна котьку но удалтоз.
Кырӟан нош – тырмыт одӥген,
Доре сярысь мед гинэ со луоз.

Вунэтын гинэ кулэ ӧвӧл
Ваньзэ, мае ке кырӟан ӧм вуэ,
Жадьыса учкись лыз синъёсыз,
Шоркарез поръясь лыз тӧлъёсмес но.
Асьмеос вискын – мурт изкаръёс,
Асьмемыз улон люке, азьвыл кадь.
Нош пеймыт инмын кизилиос
Осконлы сӥзем синпелетъёс кадь.

Оскон ке монэн кивалтэ,
Дӥсьтэме понна котьку но удалтоз.
Кырӟан нош – тырмыт одӥген,
Доре сярысь мед гинэ со луоз.

Удмурт кылэ берыктӥз Юлия Разина