Колькі гадоў мы сябруем з табой? 
Крочым поплеч дарогай адной. 
Мала хто любіць нас, што тут дзівіцца, 
Але ёсць што ўспомніць, ёсць чым ганарыцца! 

Памятаеш, як мы свой шлях пачыналі? 
Слухалі oi!, пілі піва ў бары. 
Як лёгка заводзіліся на пустым месцы, 
Ні дня не маглі пражыць без пратэсту. 

Прыпеў: Нас аб’яднала 
Агульная справа: 
З сістэмай змагацца, 
Сабою застацца. 

Дні былой славы забыць немагчыма, 
Але мы і сёння не страцілі сілу. 
Ёсць яшчэ порах у парахаўніцах, 
Гатовы змагацца, не згодны мірыцца! 

Няхай нас няшмат, але і нямала, 
Тых, хто не здрадзіў сваім ідэалам. 
Як і раней, мы ўпэўнены цвёрда: 
Панк-рок – гэта болей, чым тры акорда! 

Прыпеў: Нас аб’яднала 
Агульная справа: 
З сістэмай змагацца, 
Сабою застацца.