Тәрәз төбем минем берничә,
Тәрәз саен яран гөл үсә.
Ал яраннар кебек алсуланам
Бәгырькәем мине күрде исә.

Кайгы-хәсрәтем дә юк кебек,
Йөрәккәем яна ут кебек.
Газапланам иртә-кичләрен,
Әйтә алмыйча йөрәк хисләрем.

Яннарыма гына килсә иде,
Сөям сине, бәгърем, дисә иде.
Күзләреннән алмый күзләрем
Әйтер идем йөрәк серләрем.

Тәрәз төбем минем берничә,
Тәрәз саен яран гөл үсә.
Ал яраннар кебек алсуланам
Бәгырькәем мине күрде исә.