ЭРГИЛЛИИ     Печать
Аскалон Павлов тыллара

Тыал сайа охсон, сэбирдэх кыымын тамнааттыыр
Тулабар күһүн көмүс хаарынан үллүктүүр...
Ийэккэм тахсан соҕотох миигин көрсүһэр,
Маҥан төбөтүн мин түөспэр ууран айманар...

Хос ырыата:

Ытаама, ийэккээм, хараҕыҥ уутунан суунума,
Эн иннигэр мин төрөппүт оҕоҥ турабын,
Ийэм, ийэккэм, мин күндү киһим.
Эн илиигэр мин сүрэҕиҥ сылааһын тутабын.
Ийэм, ийэккэм, мин күндү киһим
Эн эрэ буолаҕын, эн эрэ миэхэ соҕотох.

Сэрэнэн соҕус аастыйбыт баттаҕын көннөрөр,
Төбөтүн көтөҕөн, болҕойон миигин одуулуур...
Илиибин ылан сыһыары туттар сүрэҕэр
Арай харахтар барыма диэннэр ытыыллар.

Хос ырыата.

Тыал сайа охсон сэбирдэх кыымын тамнааттыыр
Унуоххар күһүн көмүс хаарынан үллүктүүр...
Эйигин санаан хараастан турдум мин бүгүн
Хараҕым уутун кыайан туттуна туппатым.

Хос ырыата:

Быраһаай, ийэккэм, быдан дьылларга бырастыы.
Ийэ сир, дойду кэрэтэ аны эргийбэт.
Ийэм, ийэккээм, мин күндү киһим.
Санаабар куруук сүрэҕиҥ сылааһын тутабын.
Ийэм, ийэккээм, мин күндү киһим,
Эн эрэ буолаҕын, эн эрэ миэхэ соҕотох...