Құстар қайтып барады

Сөзін жазған: Тұманбай Молдағалиев

Әнін жазған: Нұрғиса Тілендиев

Жаз өмірін, мәз өмірін қысқартып,
 Бара жатыр, бара жатыр құс қайтып.
 Зымырлайды менің бала кезімдей,
 Бір жалт етіп өте шыққан, өте шыққан сезімдей.

Құстар, құстар сызылып ән салады,
 Сол әнімен тербетеді даланы.
 Ал, адамдар күліп бастап өмірін,
 Кетерінде жылай да алмай, жылай да алмай қалады.

Біздің жаққа бауыр басып кеткен бе,
 Тамаша әнмен келіп еді көктемде.
 Өскен жерге сыймай кетіп барады,
 Өскен жерін қимай кетіп, қимай кетіп барады