1. Саҥа хаары куттаамаары сэрэнэн мин тыынабын
Тулабыттан сылайаммын сипсийэн кэпсэтэбин
Ыарахан санаабын сүтэрэ сатааммын
Быыл буолан халлааҥҥа көтүөхпун баҕардым

П-в Кыбыстар буоламмын кистээммин көрдүүбүн
Сэрэнэн туораттан эйигин таптыыбын
Хаар түhэр кэмигэр хаар буолан көтөбүн
Ардахтаах күннэргэ ардыгар ытыыбын

2. Yүнэн эрэр ньургуhуннуун сэрэнэн кэпсэтэбин
Оргууй аҕай куттаамаары кистэлэҥмин үллэстэбин
Хараҥа халлааны сырдата сатааммын
Күн уота буоламмын ыллыккын сырдаттым

3. Элэккэй түүллэрбэр эйигин кууhаммын
Сып-сылаас уостаргын нарыннык ууруубун
Хаар түhэр кэмигэр хаар буолан көтөбүн
Ардахтаах күннэргэ ардыгар ытыыбын