Таптал араас кимиэхэ эрэ суох
Кимиэхэ эрэ халлаан тэҥэ ыраас
Тапталы таба талан дьоллорун булаллар
Ол иһин күннэрэ мэлдьи сылаас
Иэйиим күөдьүбэйдиир кыыһы ойуулуохпун
Санаам буолбат сөп тыллары туттуохпун
Эрээри кини аанньал дьылҕам кэһиитэ
Хас күнү быһа эргиллэрин кэтэһиитэ
Оргууй хаарынан үктүүр хардыыта
Долгутан нарыннык хаамар хамсаныыта
Олохпун тоһута уларыппыт быһыыта
Бу аанньалы сүрэҕим күүскэ таптаабыта
Кини күндү сибэкки курдук кэрэ
Утары көрөн тулабын киэргэтэрэ
Илэ бэйэтинэн олохпор киирэн кэлэн
Уулларда бүтүннүү миигин кыысчаан

Киһи тыыммат салгыныгар
Киһи тэһийбэт күнүгэр
Кэлэбин эбэ Бүлүүбэр
Ахтабын бэйэм кыһыыбар
Кэлэргин өрүү күүтүөҕүм
Үөһээ айыыга үҥүөҕүм
Тапталбытын ситиһиэҕим
Сүрэххин арыйыаҕым...

Сүрэххэр кутуллар бытаан ырыа
Аанньал тэҥэ кэрэни санатыа
Эһиил эмиэ саҥаттан хаардыа
Эрэл сүрэҕи уоскутан ыллатыа
Олоххо биирдэ эрэ бэриллэр эбит
Мүлчү тутан бараммыт кэлэйэбит
Туохтан да атын бастакы бастыҥ сыһыан
Олохпутугар аартыктар арыйыан сөп 
Ыарахан сүрэх тымырга бэйэни кымаахтыы
Хаалбытым кытылга үөһээ тыынаммын сарбахтыы
Таптыыр киһи элбэҕи да билэр эбит
Хорсун санаанан элбэҕи ситиһэр эбит
Үөрэ-көрө олоҕун сырдыгар тардыһа
Ол барыта үөһэттэн анаан саҕаланар
Таптыыр буоламмын чэпчэкитик тыынабын
Аан дойду аартыктарын дабайабын