1. Алтынньы 28 түспүт ыраас маҥан хаары кытары
Мин санаам эмиэ эн тускунан күндү көмүс киhим
Маҥан хаар курдук ып-ыраастан саҕалаатым олохпун
Эйигин кытары, күнчээнэм, көрүөхпүн баҕардым
Саҥа түспүт хаарынан эн хас биир хаамар хардыыгын
Сүрэх тэбэр тэтимэ күүстээх этиитигэр эн ааккын иhиттим 
Сүрэҕим тэбиитигэр эйигин харыстыам
Сүрэх тиhэх тэбиитигэр диэри куттаныма туохтан да
Этэр тылым барыта илэ дьиҥнээх тапталым үйэлээх
Кэтэhиэм барытын тулуйан харса суох 
Yҥүөм-көрдөhүөм Таҥараттан эн тускар 
Саҥа күнү уруйдуом эйигин кытары
Хаhан да тэйбэттии мэлдьи баар буолуом эн аттыгар
Итэҕэйиий, истиий тылбын, эрэннэрэбин эр киhибин

Х/ы: Күнчээнэм эйиэхэ улахан махтал
Мин сүрэхпэр өрүү тыыннаах таптал
Эрэн миэхэ эйиэнэбин эрэ үйэ-саас
Күн-дьыл уларытыа суоҕа 
Сыhыаным куруук сылаас

2. Күнү быhа толкуйум барыта эн тускунан
Хайдах эрэ гынан эн таскар баар буолларбын диэн
Бэйэҥ да билэҕин эйигин таптыырбын күүскэ
Бэҕэhээ, бүгүн, сарсын, нэдиэлэ, ый, сыл, үйэ
Эн тускар тугу баҕар гыныах курдукпун мин
Эт эрэ, ама эн тускар тугу гыныам суоҕа этэй
Эйигин кэргэним диэхпин сөп, баҕар аhары ыксаатым
Биитэр сүтэриэм диэн олус куттанным
Тапталтан ураты туох дьоло баар үhү манна
Мин санаабар эйигиттэн ураты дьолу билбэппин
Итэҕэй этэр тылларбар миэнэ үйэлээх 
Эйигин кытары сарсыҥҥы күнүм эрэллээх 
Олоҕум эйигинниин сырдык
Тапталым эйигинниин сылаас 
Эрэн миэхэ эйиэнэбин эрэ
Yйэ-саас эйиэнэбин эрэ үйэ-саас