ПАР КАНАТЛАР ЮГАРЫРАК ОЧА

Тормыш кануннарын суытмасак
Саф яшьлектә булган хисләрне.
Мин ышанам каршыларбыз, иркәм,
Сөю тулы иртә-кичләрне.

Кушымта:
Пар канатлар югарырак оча,
Аермасын безне язмышлар,
Җәрәхәтләмәсен йөрәкләрне
Хыянәтләр яки ялгышлар.

Мәхәббәттән үткән заман(га) түгел,
Без бит киләчәккә өметле.
Йөрәкләрне ялгап йөрәкләргә
Тулы итеп яшик бәхетне.

Кушымта.