ӨРӨГӨЙ ЫРЫАТА

 Кыырпаҕа суох ыраас халлааннаах
 Сыбаатай төрөөбүт дойдубут
        Тапталлаах Алаһыай биэрэгэр
 Тутаҕын, айаҕын олоҕу.

  Олус да күндүгүн биһиэхэ
  Хоту сир эйгэтин киэргэлэ
  Айхаллыыр Алаһыай өрүспүт
  Үйэ саас ытыктыыр эбэбит.

 Намыын түүн үөһүгэр уоскуйар
 Ый кыыһа эн ньуургар үҥкүүлүүр
 Долгуҥҥун оргууйдук бигиигин
 Толбоҥҥун тулаҕар ыһаҕын.

 Сайаҕас үлэһит дьоннордоох
 Мээтиһим чэчирии, тупса тур
 Кэнэҕэс ыччаппыт, бар дьоммут
 Киэн тутта уруйдуу туруохтун.