Акъ тауланы башын сылай баралла,
Бийик кёкде женгил кёксюл булутла.
Кёллендиргенлейин туралла мени уа
Кюнден кюннге жангыдан жангы умутла!

Толгъан ай бийикде шош кетип барады,
Саулай жерни жарытып, бизни алгъышлай.
Бу кече бизде бек уллу той барады,
Жарыкъды жюрекле, жайгъы тангы атханлай!

Жаш тёлю къарс урады, чыгъып тюз тепсейди,
Къууанчдан толуду мени жаш жюрегим.
Сизни бла бирге мен жангы журтла ишлейме,
Жашауда толуду мени этген муратым!

Акъ тауланы башын сылай баралла,
Бийик кёкде женгил кёксюл булутла.
Кёллендиргенлейин туралла мени уа
Кюнден кюннге жангыдан жангы умутла!