Дух Сьвяты, што лунаў над вадою,
Ахінаючы бездань зямлі
І чакаў, калі Слова Сьвятое
Першаствораны мір асьвятліць,
Сьвяты Духу,- Бога вітаньне ўсім створаным душам,
Першы паветра глыток,-
Сьвяты Духу, спатолі жаданьне народжаным з Духа,
Прыйдзі, Усемагутны Бог!

Дух Сьвяты, што сплывае з нябёсаў
Ад Айца праз Сына Яго,
Жыватворчым агнём запаляе
Тых, хто прагне Яго аднаго.
Сьвяты Духу, Бога вітаньне засмучаным духам
Сьмяглым - вады глыток,
Сьвяты Духу, спатолі жаданьне няўтольных душаў - 
Прыйдзі, Усемагутны Бог!

Тэкст і музыка В.Граськовай.
вакал - Н. Амельянюк, С. Карнялюк.