Амгалан ябыт, Эжынэр!

Эжы, Тандаа һайхан дуугаа
Эльгэлэн, дурлан зорюулааб.
Сэнхир талые шэмэглэдэг
Сэсэгэй баглаа барюулааб.

 Дабталга: Тайбан бэшэ замби дээр
                    Танһаам сэнтэй юунш үгы!
                    Танһаам, Эжы, илдамхан
                    Тантай адли хэнш үгы!

Хүхын дуунай хүгжэм доро
Хүхыш хүхэжэ, хүн болооб.
Танай мэргэн эди шэдеэр
Талаан бэлиг, абьяас олооб.

Дабталга:

Альбан,хөөрхэн үринэртөө
Арюухан дэлхэй бэлэглээт.
Ашанар,зээнэрээ таалад гэн,
Амгалан ябыт, Эжымни!