Ես ծնվել եմ երեկ
Եվ ապրել եմ արդեն
Մի ամբողջ գիշեր, մի ամբողջ ցերեկ:
Ես ծնվել եմ ճիչով,
Բժշկի ապտակով,
Ուժերի լարումով
Ու աղի արցունքով:

Ու սարսափած աշխարհի խավարից, էհե՜յ
Ես անծանոթ կուզարկու աչքերից փախել,
Տարագիր եմ դառել:

Ես ծնվել եմ երեկ
Եվ ապրել եմ երկար՝
Մի ամբողջ գիշեր, մի ամբողջ ցերեկ:
Ես տեսել եմ աչքով,
Շոշափել արթմնի
Զարկերակը առույգ,
Երկրային կյանքի,

Ուր ընկածին կրկնակի հարվածում, ավա՜ղ,
Եվ տկարին անխնա թալանում, ավա՜ղ,
Ուր օրենքն է կաղ,
Իսկ բութ ու խավար, մարմին՝ հաստ, հոգին՝ տկար,
Մի խումբ տիկնիկներ
Չափում-ձևում են ճամփաները մեր: