Йÿдвошт урмыжеш кÿртньö воштыр.
Уремыште шыде мардеж коштеш 
Тавырлен, кыштыр-коштыр, 
Да пыльдырме семын пöрдеш.
Чонемлан молан таче йöсö,
Ом пале амалже могай,
Мардеж але шылтыкше весе?
Таҥем таче мöҥгö ит кай.

Припев: 
Муралте, мылам тый муралте,
Тек йöсылык чон гыч йомеш,
Пералте гитарым, шокталте,
Кунам тыйым ÿдыр йодеш.

От мошто гын, пу тышке, ане,
Мый шке тыланет пералтем,
Нимат, ни мыняр ом чамане,
Вет тыйым моткоч йöратем.
Ит вурсо, авай, ÿдыретым,
Ит кучо удам мыланна,
Шарналте, шарналте тый шкендым,
Вет ме иленна ик гана.
Припев.