Музыка i словы - Сяржук Сокалаў-Воюш

У чыстых скляпеннях пад гукi аргана
З'явiлася ты для мяне нечакана.
Цi так пра святую гавораць абранай?
Чароўная Ганна, чароўная Ганна.
Цi так пра святую гавораць абранай?
Чароўная Ганна, чароўная Ганна...

Iрвалася готыка ўвысь апантана,
Над замкавай вежаю, над вежаю Яна.
А ты па-над ёю, чароўная панна,
О вечная Ганна, о вечная Ганна.
А ты па-над ёю, чароўная панна,
О вечная Ганна, о вечная Ганна...

У храме хрыстовым стаю пакараны,
Цi гэта ня грэшна   iмчацца ў нiрвану?
Я раб твой адвечны, вечны падданы,
Адзiная Ганна, адзiная Ганна.
Я раб твой адвечны, вечны падданы,
Адзiная Ганна, адзiная Ганна...

Зiхцiць небасхiл у сузор'i прыбраны,
А ты не ад Бога, бо я закаханы...
Як дэман у ведзьму, вiна здурна п'яны,
Адзiная, вечная, светлая Ганна.
Як дэман у ведзьму, вiна здурна п'яны,
Адзiная, вечная, светлая Ганна...

.........

...Чароўная Ганна...