1.Веськрес льӧмпу ке луысал,
Чагыр инмозь ӝутскысал.
Гажанэлэн укно улаз
Юг-юг тӧдьы ӝужасал.

2.Тылобурдо ке луысал, 
Чагыр инмын лобасал,
Гажанэлэн пельпум вылаз
Уез уйбыт чирдысал.

3.Луд ӟазег ке мон луысал,
Чагыр инмозь ӝутскысал.
Гажанэлэн вань сэрегаз
Тонэ утчаса вусал.

4.Вож-вож ӝутскоз чебер возьвыл,
Ортчоз-кошкоз кезьыт тол,
Сюлмам шунтоз яратонэз,
Уз сӥяты ни сильтӧл.