«Таптыыбын» Василий Еремеев

1. Эн миэхэ туохтан да күндүгүн 
 Соҕотох тапталым буолаҕын,
Эн эрэ бу сиргэ бааргынан
Доҕоруом итэҕэй дьоллоохпун.

Хос ырыа:

Таптыыбын эйигин нарыннык
Эдэркээн сүрэхтэн истиҥник,
Хаһан да букатын ааспаттык
Тылбынан мин сатаан эппэттик.

2. Үйэбэр таптыаҕым эйигин
Үөлээннээх соҕотох доҕорбун,
Биир дьиэҕэ олоруох холбоһон
Уоппутун оттунуох кыттыһан.

3. Хомолто диэн тугун көрүмүөх
Өйдөспөт хайдаҕын билимиэх
Үйэлэр тухары таптаһыах 
Тэйсиһэр салгыһар буолумуох.