Дилә:
Ул – минем сулар сулышым,
Ул – минем сулар һавам.
Ул – минем йөрәк кагышым,
Ул – минем йөрәк дәвам.

Альбина:
Язмышның ялгышымы бу,
Ялгыштыкмы үзебез?
Икебез дә бер кешегә
Гашыйк булып йөрибез.

Бәхет икебезгә берәү
Кем аның өчен туган?
Я син бәхетсез буласың,
Я мин бәхетсез булам.

Альбина:
Сөю андый булмас иде,
Мәхәббәт түгелдер бу.

Дилә:
Көнләшүдән арыналмый
Интеккән күңелдер бу.

Бергә:
Бу дөньяда егетләр күп,
Син иң якын дускаем.
Аны бүлешә алмабыз,
Табыйк оныту җаен.