Գովք Ջավախքի 

Դու հնագույն երկիր քաջի, 
Փառքի, բախտի իմ օրրան, 
Աբուլդ՝ արքա քո Ջավախքի, 
Երկիր դու իմ հայրենի։ 

Կրկներգ. 
Փառք քեզ Ջավախք, բախտ քեզ, Ջավախք, 
Դարեր անցար ահավոր 
Քայլիր Ջավախք, փայլիր Ջավախք, 
Դարեր ապրիր փառավոր։ 

Քո Փարվանան՝ լույս թագուհի, 
Շուրթին՝ խոսքը Տերյանի, 
Սեր է երգել կույր Հավասին, 
Որ իմացողը ա՜խ կանի։ 

Կրկներգ։ 

Քաջ ու հզոր դու իմ Ջավախք, 
Հանճարների դու երկիր, 
Քո հանճարեղ մեծ Ջիվանին 
Նոր խոսք ասաց աշխարհին։ 

Կրկներգ։ 

Բայց ամենամեծ հանճարդ 
Ժողովուրդդ է քո հանճարեղ, 
Բարի, համեստ ու մարդասեր, 
Քաջ ու հզոր, հյուրասեր։ 

Կրկներգ։