Тууҗ
Айснь болн үгнь Увшан Альчан Явана

Кезәнк давсн гинә хаана цагтнь
Ке - сәәхн һазрмидн Зүн Һара билә - ла /2д
Арһта - ла, чидлтә - лә Ѳѳрдин дѳрвн нутгнь
Алта уулынь давад нүүһәд һарсн билә - ла / 2д
Олн - гинә, түмн - гинә тѳгрг ишкә гермүднь
Орсын һазр эргәд нүүһәд йовдг билә - ла / 2д
Иргчән сансн - гинә мана хальмг улснь
Иҗл мѳрн һолднь күрәд нутглсн билә - ла /2д

2. Хаана йоста - ла Хальмг орн - нутгнь
Хасг, маңһд, орс дунднь нерән һарһад йовла - ла./ 2д
Әрәсәднь болсн гинә дән - даҗг болһнднь
Әмән, чидлән әрвлл уга хальмгуд йовла - ла./2д
Увш - хан ахта - ла, мана хальмг нойдуднь
Уул һазран темцәд хәрү һарсн билә - ла./2д
Алвтан дахулад хәрү һарсн нойдуднь
Ардан үлдсн мадниг генүлсн билә -ла./2д

3. Пранцуз, немш һолта дәәләд ирсн дәәчинь
Париж, Берлин күргәд хѳрлдҗ йовсн билә - ла./2д
Орсын тѳлә йовсн гинә мана Хальмг Таңһчнь
Орсын хату йоснас һундл үзсн билә - ла./2д
Арвн- гинә һурвн - гинә һашута җилмүднь
Ар киитн һазртнь давулгдсн билә - ла./2д
Араһан зуусн - гинә мана Хальмг Таңһчнь
Аштнь - эңкр теегүрн эргәд ирсн билә - ла./2д

4. Хавртнь урһдг бамб - ла цецгәнь
Хальмг һазран кеерүләд, һаңхад, гекәдәнә - ла./2д
Шаҗн гинә ѳңгтә - ла шар - цоохр тугнь
Шин җирһл угтад делсәд - дәрвкәдәнә - ла./2д
Хальмгин нер hарhад делсәд - дәрвкәдәнә - ла
Хальмг Таңһчин нер hарhад делсәд - дәрвкәдәнә - ла