Мая рэвалюцыя

Калі цябе вучаць, што ўсё пачалося з вайны,
Калі забываесься на каляровыя сны,
Калі прамаўляюць з экранаў сьвіныя лычы,
Калі ты ня будзеш пачуты – крычы не крычы –

Рэфрэн:
Дай веры мне, дай!
Расквецім панурыя вуліцы!
Сьвяці й сагравай,
Палай, мая рэвалюцыя!

Калі засталіся ўсе мары ў дзіцячым двары,
Калі ваўкалакі-зьвяры пазіраюць згары,
Калі пачынаюць са здрады рэбрэндынг жыцьця,
Калі ты ня рады Калядам, сябрам і гасьцям,

Мая рэвалюцыя – права праўду казаць
Мая рэвалюцыя – гэта ні ўбок, ні назад.
Калі ты стаміўся гуляць у пачварны пасьянс,
На золак зірні, узыходзіць зіхоткі наш час.