Музыка Маджита Ногайлиева, стихи Нория Созарукова.

Минги Тауну туурасында, кюн бетде, 
Орналгьанды Гюрюлдеуюк бек эртде - 
Сени кибик тау къушланы бешиги,
Хорлам джолгьа элтген Тейри эшиги.

Ма ол элде джаш джылларынг ётдюле, 
Джашау джолла уруш тюзге элтдиле... 
Тохтамышда ногъай халкъгьа махтаугъа 
Туугьан эдинг, ётгюр кёллю Халмурза.

Каменка деб бир элчикни джеринде 
Уруш-кьаугъа къызыу баргьан кёзюуде,
Окъ ётмезлей, бетджан къураб бетондан, 
Джау пулемёт ата эди деппандан.

«Алгъа бар!» - деб буйрукъ алгъан солдатла, 
Джетер-джетмез бетджанны туурасына, 
Артха туруб, джан сакъларгьа болалмай, 
Ауаелле, джауладан дерт алалмай.

Джигит улан, ол къоранчха тёзмединг,
Деу джюрегинг ёлюм къоркъуу сезмеди, 
Чырмау бола джауну къанлы ишине, 
Джетиб аудунг пулемётну юсюне!..

Исси къанынг джау бетджаннга чачылды, 
Тенглеринге ёлюмсюз джол ачылды! 
Джашауунгу сала турмай базманнга, 
Хорлам ючюн джан бергененг, Халмурза...

Хакъ болса да къара къагъыт келгени, 
Ёлгенинге ийнаналмай джюреги,
Джарлы ананг, бир да чыдаб тёзалмай, 
Сакълай эди, уллу джолдан кёз алмай.

Эсгертменгде, джюрегинги къатында, 
Батырлыкъны чексизлигин таныта,
Къызыл джулдуз джабад ачы джарангы, 
Джашыргъанча ана кёзледен аны.