О.Усманов көе, Л.Дәүләтова сүзләре

Күкләрдә болыт күренсә
Җил куып алып китә.
Борчуларым, сагышларым
Суларга агып китә.

Кушымта:
Сагындырып килер өчен
Үтеп тә бара җәйләр.
Бүгенгедәй гөлчәчәкле
Булсачы гомеркәйләр.

Бу җәйләрнең матурлыгын.
Күңелебезгә алыйк.
Яктылыкның, җылылыкның 
Кадерен белеп калыйк.

Шат елмаеп кояш килә
Табигатьтә тантана.
Якты, назлы, чәчәкле җәй
Йөрәктә яшәп кала