En mai au douz tens nouvel,
Que raverdissent prael,
Oi sor un arbroisel
Chanter le rosignolet:

Saderaladon!
Tant bon fet
Dormir lez le buissonet.
 [bad word] g'estoie pensis,
Lez le buissonet m'assis:
Un petit m'i endormi
Au douz chant de l'oiselet

Sadaraladon!...

Au resveillier que je fis,
l'oisel criai merci,
Qu'il me doint joie de li:
S'en serai plus jolivet.

Saderaladon!...

Et quant je fui sus levez,
Ci conmenz a citoler
Et fis l'oiselet chanter
Devant moi el präelet:

Saderaladon!...

Li rosignolez disoit:
Par un pou qu'il n'enrajoit
Du grant duel que il avoit,
Que vilains l'avoit öi.