Эртенги хун херелдери өрээл иштин
Эргий ушкаш эргимим дег кужактады.
Саарлып баткан ужарлар дег хүлүмзүрүүң
Сарыым мени оттурган дег сагындырар.

Карактарым ажып келгеш элээн-не үр
Кирип келген херелдерже көргүледим,
Эргеленген, куспактанган эжим кыстың
Эът-кежин чылытканым сактып келдим.

Каас черим, чүрээм тудуш ак-көк дээрим
Кайгамчыктыг уран-каазы өрээлимге
Сыннар ажыр, хемнер кежир эжим сени
Сагындырып, оттуруп кээр шак ол чүзүл?

Оран-таңдым каас-чараш ыржымынга
Оттуп келгеш сеткил-хөңнүм улам сергеп,
Талыгырда эжиңниң мээң сагыжында
Таңдым кызы, эртинези кады чор сен.

Кайда-дыр сен, кайда сен?
Муңгаралым шала чазып,
Муңчулбаз бодал-биле
Ырлап чор мен чараш кыс, чараш кыс...