Господне есть спасение, и на людех Твоих благословение Твое.Сынове человечестии, доколе тяжкосердии? Вскую любите суету и ищете лжи?И уведите, яко удиви Господь преподобнаго Своего: Господь услышит мя, внегда воззвати ми к Нему.Гневайтеся, и не согрешайте, яже глаголете в сердцах ваших, на ложах ваших умилитеся.Пожрите жертву правды и уповайте на Господа.Мнози глаголют: кто явит нам благая? Знаменася на нас свет лица Твоего, Господи.Дал еси веселие в сердце моем: от плода пшеницы, вина и елеа своего умножишася.В мире вкупе усну и почию, яко Ты, Господи, единаго на уповании вселил мя еси.