დაუკარით რომ ძველ ხანჯალს ელდა ეცეს
გაისარჯოს და ბრძოლებში გაიხარჯოს
გაუმარჯოს საქართველოს მთებს და ზეცას
საქართველოს ძლიერებას გაუმარჯოს

დაუკარით ჯერ ხომ სისხლი გვიდუღს ძარღვში
ჯერ ხომ საროს ფოთლები არ დასცვენია
ჯერ ხომ მცხეთის სვეტიცხოვლის დიდ ტაძარში
საქართველოს ცხელი გული ასვენია

დაუკარით და იმღერეთ შადიანი
ფიცხელ ომში რომ მღეროდა მაჩაბელი
დაუკარით ძველებური დარდიანი
დაუკარით არწივების ასაფრენი

ცხრა ლახვარი რომ ჩამარტყან ცხრაჯერ გულში
მტრის ჯინაზე ცხრაჯერ მწარედ გავიცინებ
დავიღლები საქართველოს სიყვარულში
სასთუმალზე ერთხელაც არ დავიძინებ