Айлар көтәм, еллар көтәм,
Бик ышанам, табарсың.
Синсез төссез тормышымны
Ак төсләргә манарсың.

Кушымта:
Тап син мине, тап инде,
Юлларыма чык инде.
Пар тормышлы киләчәккә
Үзең белән ал инде.

Көнен көтәм, төнен көтәм,
Синдә минем хыялым.
Ак төсләрдә күрәм сине
Бәхетемнең буявын.

Кушымта:
Тап син мине, тап инде,
Юлларыма чык инде.
Пар тормышлы киләчәккә
Үзең белән ал инде.

Көтәм, кәтәм, сине көтәм,
Очрашырбыз барыбер.
Беләм, бер мәл ике йөрәк
Бер-беренә кагылыр.

Кушымта:
Тап син мине, тап инде,
Юлларыма чык инде.
Пар тормышлы киләчәккә
Үзең белән ал инде.