Кузе илет, авай?
Ош кечын ал сескем,
Шыма кидетым ниялтем.
Чонет, авай, палем.
Садак огеш шоҥгем,
Шокшо тыйын поро кумылет.

Привев:
Изиш гына вучал.
Изиш гына вурсал.
Тора мыйын мӧҥгӧ йолгорнем.
Эн ныжыл кумыл ден
Мый угыч каласем:
«Кузе илет тый, поро аваем?»

Мылам улат, авай,
Эн лишыл, поро, сай.
Тораш тетла коден ом кай.
Шыма мутем тылат
Тек лийже шулдыран,
Тау, аваем, улмемлан.

Пеледын ал сирень,
Суртнажым волгалтен.
Тудат вучен вет пӧртмылмем.
Авай, мотор авай,
Илет тый чоныштем,
Улат суксо гай мыланем.

Кузе илет, авай?
Ош кечын ал сескем,
Шыма кидетым ниялтем.
Чонет, авай, палем.
Садак огеш шоҥгем,
Шокшо тыйын поро кумылет.