Бел, көтәм килерсең әле, дип,
Тылсымлы мәхәббәт хакына.
Хыялда очамын ашкынып
Күкләрнең җиденче катына.

Көтәмен өзелеп, тилмереп,
Сагындым кулларың җылысын.
Кил, иркәм, кил инде мәңгегә,
Кадерләп сөюнең олысын.

Бел,көтәм килерсең әле, дип,
Җилләргә-давылга карамый.
Язмышлар әйләнсен, яз килсен,
Сөюене рәнҗетү ярамый.

Бел, көтәм килерсең әле, дип,
Киртәләр булса да, кайгырма.
Ходай бергә үзе кушкан ул,
Гомергә гел бергә булырга.