Музыка Омара Отарова, стихи Ибрагима Маммеева.

Келинни алыб келебиз, джол беригиз!
Эй, бек ариуун сайлагъанбыз, сиз кёрюгюз!

Къолан кийизни джайыгъыз джолубузгъа,
Эй! Алгъыш аякъны алыгъыз къолубузгъа!

Келин келед, юйге киред, джол къоюгъуз!
Эй, той этигиз, къонакълагъа къой союгъуз!

Къууанч келди, эшиклени кенг ачыгъыз!
Эй! Юйню тюбюне ариу гюллени чачыгъыз!

Алыб келебиз сизге кёгюрчюнчюкню,
Эй! Он бармагъындан бал тамгъан келинчикни.

Насыбха эшик ачыгъыз, джол къоюгъуз!
Эй! Огьурлу конде этилсин бу тоюгъуз!

Огъурлу болсун келинни аякъ ызы!
Эй! Кёб болсунла аны табхан джашы, къызы!

Хар заманда ачыкъ болсун чоюн башы!
Эй, берекетли болсун къолу, этген ашы!

Насыбдан толтурсун сизни келинигиз!
Эй, аны бла махтансын саулай элигиз!

Сюйгенигиз бютюн да бек-бек сюерча,
Эй, сюймегенле ачыудан тобукъ тюерча.

Зауукълу джашагъыз келинигиз бла!
Эй, биз кёб алгъыш этебиз кёлюбюз бла.

Насыбха эшик ачыгъыз, джол къоюгъуз!
Эй, огъурлу кюнде этилсин бу тоюгъуз!