ЖҰЛДЫЗЫМ

Әні мен өлеңі: Гауһар Әлімбекова.

Қиялымсың, жыр-әнімсің, сүйгенiм,
Өзіңді ойлап, өзгеге бас имедім.
Серілігің сезімімді селт еткізді,
Тағдыр маған тарту етер сый ма едің?

Қайырмасы:

Келші, жаным, келші маған, жұлдызым,
Баурап алды таңғажайып бір сезім.
Қадамашы басқа жанға көзіңді,
Сынамашы төзімді.
Қызғанамын сені мен
өзге түгіл өзімнен.

Отты сезім арбап алды жүректі,
Өміріме, көңіліме гүл екті.
Айтшы, жаным, шыныңды, айтшы, жаным,
Сен де мендей өртендің бе, сүйіктім?

Қайырмасы.

Күтудемін мен өзіңді асыға,
Жадыратшы, жақын келші қасыма.
Сен деп соққан жүрекке сая болшы,
Бақыт құсы болып қоншы басыма.