ОРАЛШЫ, МАХАББАТ

Әні: Гауһар Әлімбекова.
Өлеңі: Оңалбай Еспанов.

1. Жанардан жауқазын-нұр өсіп пәк,
Тартты ғой түбіне тұнық бір мұң,
Жүректер байқаусыз тілдесіп (қап),
Тірлікті бір сәтке ұмыттырды.

Қайырмасы:

Нұр сеуіп шапағат,
Оралшы, махаббат,
Оралшы маған, махаббат!
А-а-а-а-а-ай, жастық гүлім-ай.

2. Не болса, соған алданғыш жаным,
Ләззатқа мас болып ұйып қалдым.
Білмеймін содан соң не болғанын,
Сол сәтте мәңгілік сүйіп қалдым.

3. Сырымды жеткізіп айтар едім,
Өтті ғой сол бір сәт тез білінбей.
Сәтімді қайтаршы қайта менің, 
Жер-Ана жасарған мезгіліндей.