Диңгеҙ. Дилара Иҙелбаева(Л.Һаҡмар,У.Иҙелбаев) (исполнитель: Дилара Иделбаева. "Араз" төркөмө)
ДИҢГЕҘ Л. Һаҡмар шиғыры У.Иҙелбаев көйө Килдең… Ҡыуҙым. Тағын килдең. Мин:”Юҡ!” - тинем сараһыҙ. Ҡасан булырһың икән һуң, Әй һин, һөйөү, яраһыҙ?! Ҡушымта: Диңгеҙ, диңгеҙ, Тулҡындарың Килһен дә китеп торһон, Ә ҡаялар, сабыр ғына, Һағынып көтөп торһон. Диңгеҙҙә лә сал тулҡындар Ярҙы үбә лә китә, Ҡаялар шулай диңгеҙҙе Мәңгегә әсир итә. Ҡушымта: Диңгеҙ, диңгеҙ, Тулҡындарың Килһен дә китеп торһон, Ә ҡаялар, сабыр ғына, Һағынып көтөп торһон. Һин килгәндә мин ҡыумаһам, Ҡабат килмәҫ тә инең. Ғазапһыҙ ғына йәшәһәм Һөйөү тимәҫ тә инем. Ҡушымта: Диңгеҙ, диңгеҙ, Тулҡындарың Килһен дә китеп торһон, Ә ҡаялар, сабыр ғына, Һағынып көтөп торһон.