Йомашым
Л.Һаҡмар һүҙҙәре
А.Тойғонов, Ф.Биктимеров көйө
1. Күрәһеңме, ана минең ауылым
Иркәләнеп кенә көлә-көлә лә,
Таң елдәре иҫһә, бала кеүек,
Тауҙар бишегендә тирбәлә.

2. Бишек йырын йырлай аҡ ҡайындар,
Гүйә теҙелешеп баҫҡан әсәләр:
“Ер йөҙөндә барлыҡ ауылдарҙан
Иң матуры минең ауылым!”

3. Хыял офоҡтары киң булһа ла
Ике юлға һыя, һыя яҙыуым:
“Ер йөҙөндә барлыҡ ауылдарҙан
Иң матуры минең ауылым!”