(Анна Сульдина)

Ули мастор, ули ёвксонь мастор,
Кува лейтне састыне чудить…
Те масторось эрьва косо мартон,
Тосонь тешттне умарекс нурьгить.

Сэрей тикшенть порнить ашо лишметь…
Валдо пиземть сельмеваст уить.
Паксянть мештька ловсокс валовсь ликша,
Норовжорчне велькссэнзэ гайгить.

Мон а содан, кува сави яксемс…
Ветясамам ков эрямонь ким,
Но карми чийнеме ледстнемаван – 
Те лугаванть кепе эйкакшчим.