Ой Косю, мой Косю, Косю вараненькі,

Прадам цябе, Косю, за талер бяленькі.

Ты пойдзеш, мой Косю, у край у чужэнькі

Ня будзеш там есьці авёс залаценькі,

Ня будзеш там есці шалковай травіцы,

Ня будзеш ты піці крынічнай вадзіцы.

Ды хто ж табе, Косю, там грыўку расчэша,

Хто ласкавым словам цябе там пацеша.

Там біць будуць, Косю, цябе батагамі,

А я буду плакаць горкімі сьлязамі.

Ой Косю, мой Косю, Косю вараненькі,

Няхай прападае той талер бяленькі

За талер бяленькі я не разжывуся.

З табою, мой Косю, я не разлучуся.