“Որքան Ցանկացա”
1. Որքան ցանկացա ես մի վարդ պոկել,
Որ իր թփի տակ փշեր չունենար,
Որքան ցանկացա ես մեկին սիրել,
Որ, բացի ինձնից, սիրած չունենար:
Որքան ցանկացա ես մեկին սիրել,
Որ, բացի ինձնից, սիրած չունենար:

2. Վարդն առանց փշի ինձ չհանդիպեց,
Որին մոտեցա, ձեռքերս ծակեց:
Մեկին սիրեցի, նա ինձ մոռացավ,
Ու ինձնից բացի ուրիշին գտավ:
Մեկին սիրեցի, նա ինձ մոռացավ,
Ու ինձնից բացի ուրիշին գտավ:

3. Գարունը եկավ ու նորից անցավ,
Եվ այդպես երկար տարիներ անցան,
Սակավ առ սակավ մեր սերը հանգավ,
Իրար մոռացանք, նա`ինձ, ես`նրան...
Նա գնաց հեռու, էլ չի դառնալու,
Վիրավոր սիրտս էլ չի բուժվելու: