Bulbašy

Jany prahnuć kryvi.
Jany prahnuć gvałtu i seksu.
Biaz hetaha, jak ni žyvi,
Žyćcio pazbaŭlena sensu.

Jany prahnuć many.
Chočuć, kab im chłusili.
I sami chłusić jany
Lubiać pa strašnaj sile.

Bulbašy,
Bulbašy,
Bulbašy
Chłusiać pa strašnaj sile.

Jany prahnuć vajny.
Natchniajucca hukami boju.
Kali niama z kim, jany
Pabjucca miž saboju.

Jany prahnuć vajny.
Suprać čužoha Boha.
pra svajho Boha jany
Nia viedajuć ničoha.

Bulbašy,
Bulbašy,
Bulbašy
Nia viedajuć ničoha.

Jany prahnuć hulni.
Prahnuć stanoŭčaj roli.
Ale, što ni aprani,
Nijak nie schavaješ trola.

Jany prahnuć viny.
Im chočacca być błahimi.
Byvaje, jany – heta my,
Dy lepiej nia być nam imi.

Bulbašy
Bulbašy
Bulbašy
Lepiej nia być nam imi.

Ad zaškału stanoŭčych emocyj
Ciažka žyć u Horadzie Sonca.
Ciažka ŭ horadzie žyć hieroi,
Kali ty nie ŭ hierojskim nastroi.