Айды көргің келе ме түнге ғашық?
Күнді көргің келе ме гүлге ғашық?
Ай да, күн де өзіңе тең келмейді
Жарығым-ау, болғанмын кімге ғашық?

Сен деп білем егер де жанса бағым.
Балдай бақыт өзің деп тамсанамын.
Еркелеші ес-түссіз таң самалы.
Тек сөнбеші, өтінем, шамшырағым!

Бар тапқаным өмірден - ең керегім,
Сен жоқ жерде сағынып, сенделемін.
Жанымда жүр жарқыным өмір бойы,
Сенің маған керегің - сөнбегенің.