Мутшо И.Филатовын,семже-В.Петуховын
Лилия Петухова - Шочмо кече.

Лӱм кечет ден саламлен,
Колтена ме муралтен.
Сылне марий муро ден
Почына ме кумылет.

Припев:
Шочмо кече, пайрем кече
Кажне ийын вет толат.
Шочмо кече, пиал кече
Шӱмыштет пайрем куан.

Сӧрвален йодам мый Юмым
Лий эре тый пиалан.
Воктенетше пиал шӱдыр
Йӱлжӧ тыйынак чонетлан.

Муралта турий каваште
Шке каважым мокталтен.
Ломберлаште шӱшка шӱшпык,
Кумылетым тарватен.

Куанен мура кукужо,
Кужу ӱмырым сӧрен.
Мурена ме уло чон ден,
Пайремет ден саламлен.