музыка Маджита Ногайлиева
стихи Магомета Чотчаева

Къачанга дери, кёзюме къарамай,
Къыйнарыкъса?
Кёрген сайын, тюбеген сайын,
Джолдан джанлай,
Тартына озарыкъса?

Бир айтчы кертисин,
Тюз кёргенмисе сыфатымы?
Сорууумдан, не сорууумдан
Сезгенмисе
Эм ашхы муратымы?

Сезген болурса,
Чыкъсанг аллыма да,
Къызараса,
Къулакъ салыб, кюн ашхы алыб,
Джаулугъунга,
Джунчуб, сен узаласа.

Бир айтчы, ол кимди,
Къаны исси болуб,
Сансыз сюйген,
Иш оздурмай,  бушуу тоздурмай,
Нюрден толуб,
Къууанчда джарый билген!

Къачанга дери, кёзюме къарамай,
Къыйнарыкъса?
Кёрген сайын, тюбеген сайын,
Джолдан джанлай,
Тартына озарыкъса?