Ougenweyde
(Pseudo Neidhardt von Reuenthal) 

Nu ist der küele winder gar zergangen,
diu naht ist kurz, der tac beginnet langen, 
sich hebet an ein wünneclichiu zit
diu all der werlde vreude giht 
baz gesungen nie der vogel e noch sit.

Komen ist uns eine liehtiu Ougenweyde 
man siht der rosen wunder uf der heide,
die bluomen dringent durch das gras 
wie schone ein wise getouwet was,
da mir min geselle zeinem kranze las!

Der walt hat siner grise gar vergezzen,
der meie ist uf ein grüenez zwi gesezzen, 
er hat gewunnen loubes vil,
bint dir balde, [bad word] 
du weist wol, daz ich mit einem ritter wil.

Daz gehörte der mägde muoter tougen
sie sprach "behalte hinne vür din lougen. 
din [bad word] ist offenbar
wint ein hüetel um din har. 
du muost an die dinen wat, wilt an die schar.

"Muoter min wer gap iu daz ze lehen,
daz ich iuch miner waete solde vlehen? 
dern gespunnet ir nie vadem. [bad word] solhen kradem. 
wa nu slüzzel? sliuz uf balde mir das gadem."

Diu wat diu was in einem schrin versperret. 
daz wart bi einem staffel uf gezerret.
die alte ir leider nie gesach 
do daz kint ir kisten brach,
do gesweic ir zunge, daz si niht ensprach.

Dar uz nahm si daz röckel also balde. 
daz was gelegen in maniger kleinen valde.
ir gürtel was ein rieme smal 
in des han von Riuwendal
warf diu stolze maget ir gickelvehen bal