Цыппор фæндзæм азы тæвд уалдзæг,
Куыд дæм каст æнхъæлмæ Дунай.
Бæллиццаг сæрибар æрхаста
Европæйы адæмтæн май!     

Ыссæрибар Венæ, 'мæ райгæ
Сæ фæзуæттæм адæм цæуынц.
Нæ хæстон уырыссаг вальс, мидбылты худгæ,
Хæствæлтæрд фæндырыл цæгъды.

Зоны Венæ, зонынц Альптæ 'мæ Дунай,
Зæрдыл дарынц уыцы хъæлдзæг, буц мæй, - май,
Ирвæзт адæмы зæрдæбын цины зæй
Зоны зæрдæ, уымæн ферохгæнæн нæй!

Уырыссаг вальс венæгтæ кафынц,
Сæ цæссыг фырцинæй цæуы,
Цæвиттон сын Штраус йæхæдæг
Æфсæддон фæндырыл цæгъды!

 Нæ хæстон йæ фæндыр йæ риумæ
Æрбалхъывта, загъта: кæм дæ,
Мæ райгуырæн уæзæг, фæцу ныр Уырысмæ,
Æмæ дын хъæбыстæ фæкæ!

Зоны Венæ, зонынц Альптæ 'мæ Дунай,
Зæрдыл дарынц уыцы хъæлдзæг, буц мæй, - май,
Ирвæзт адæмы зæрдæбын цины зæй
Зоны зæрдæ, уымæн ферохгæнæн нæй!

 Цыппор фæндзæм азы тæвд уалдзæг,
Куыд дæм каст æнхъæлмæ Дунай.
Фыдтохты æрцыд тард тыхгæнæг
Уæлахизы мæй у ныр май!

 Æхцон зæлтæ уæлдæфы тайынц,
Фæсабырдæр зæрдæты рыст.
Нæ хæстоны фæндыры зæлтæ æфтауынц
Пырх Венæйы адæмыл ныфс.

Зоны Венæ, зонынц Альптæ 'мæ Дунай,
Зæрдыл дарынц уыцы хъæлдзæг, буц мæй, - май,
Ирвæзт адæмы зæрдæбын цины зæй
Зоны зæрдæ, уымæн ферохгæнæн нæй!

Зоны Венæ, зонынц Альптæ 'мæ Дунай,
Зæрдыл дарынц уыцы хъæлдзæг, буц мæй, - май,
Ирвæзт адæмы зæрдæбын цины зæй
Зоны зæрдæ, уымæн ферохгæнæн нæй!

 Æхцон зæлтæ уæлдæфы тайынц,
Фæсабырдæр зæрдæты рыст.
Нæ хæстоны фæндыры зæлтæ æфтауынц
Пырх Венæйы адæмыл ныфс.