Их, матур бу дөнья!               
Тәслимә Низами шигыре һәм көе

Матур пар дип сокланалар
Без урамнан үткәндә.
Ике матурлык кушыла
Бергә гомер иткәндә.

Кушымта: 
 Матур, матур, матур дөнья
 Бик матур барыбыз да.
 Бу тормышның матурлыгы – 
 Ул безнең җаныбызда.

Шушы матур яратуны
Гел яңартып торырбыз.
Шатлык-бәхет таратучы
Парлы матур булырбыз.

Кушымта: шул ук.

Парлы матур булып кына
Гомер кичерик әле.
Гел матур чакларны гына
Искә төшерик әле.

Кушымта: шул ук.