Ай исә җил, исә җил,
Кай яклардан исә җил?
Дөбердәтмәде бер, ай, дөбер чак,
Дөбердәтеп килә колын чак.
Җырлап, биеп, уйнап, көлеп,
Үтепкенә бара бит яшь чак.
Түгәрәктәй күлдә чаба-уйный,
Кайда икән аның чуртаны?
Күп илләрдә йөреп күпме күрде,
Шул микән ни илнең Солтаны?

Туган ягым - Башкортостан,
Киңлегеңә ни җитә?
Татар монда, башкорт монда -
Һәркем безне үз итә.

Ай исә җил, исә җил,
Туган якка исә җил!
Борай да гына бер ай карлар яуса,
Боек була болан баласы.
Нужда гына күрми ир булмас ла
Булмас артта баласы!
Агиделкәйләргә сулар салдым
Ак булыкка, гөллән, сазанга.
Егеткенә чактан китсен даның
Уфа белән Казанга!

Туган ягым - Башкортостан,
Киңлегеңә ни җитә?
Татар монда, башкорт монда -
Һәркем безне үз итә.

Ай исә җил, исә җил,
Туган яктан исә җил!
Бала-чага, һәй, карчыга,
Берсен-берсе куып тал чыга.
Ашау-эчеу белән дан таралмый
Тату яшәү белән дан чыга.
Тупыл гына агач, һай, зур булмас,
Тупыл гына үтәр юл булмас,
Кайдагына барсаң берелә кояш,
Татулыкка халык хур булмас.

Туган ягым - Башкортостан,
Киңлегеңә ни җитә?
Татар монда, башкорт монда -
Һәркем безне үз итә.