Вай дахар ду цхьа башха къайле йолуш,
Цхьа тайна инзаре хаза,
ХIун дуьсур ду дененахь вехачунна,
сирлачу бIаьргашна ганза..

Кхин дог лазо.. кхин цкъа а сан дог дузо 
Моьттура дисна хIумма дац,
Амма сан дог чов еш лазийна ели,
Дузийна ели безамах..

Мел еза хьо ас сайн иллица далха до,
Хьо йолчу даимна некъаш до,
Безаман доза ас лардо.. 

Герга мел кхечи боккхуш ког, 
Кийрара дала гIерта дог..
Тай хедар ду вайн безам къиза бохуш, 
Ца хилахь вовше дог хууш, 
Вай лелар ду.. кхин дала орца доцуш, 
Вовшеха къаста ца лууш.. 

Сан дехар ду хьо езар дага лаций, 
Сан ойла еш хьо хилалахь.. 
Хьо йоцург сан дагна кхин синтем боций, 
Кхин безам боций хаалахь..