Иҫеңдәме, иркәм,
Танышҡайныҡ икәү,
Йылы яҡтан ҡоштар ҡайтҡанда.
Көндәр аяҙ ине,
Күңелдә яҙ ине,
Йәшлегебеҙ сәскә атҡанда.

Гөлдәр үҫкән Димдә,
Һинең менән бергә
Ҡаршыланыҡ күпме яҙҙарҙы.
Ҡоштар йырын тыңлап, 
Туғайҙарҙы буйлап,
Сәскәләрҙән йыйҙыҡ наҙҙарҙы.

Яҙҙар бик тиҙ үтә,
Көҙөн ҡоштар китә...
Минуттарҙы ҡыуып Дим аға.
Ҡоштар менән бергә
Йылдар осоп үтә,
Әллә күңел шуға моңлана?