1. Һыйпап йомшаҡ сәстәреңдән
Ҡосағыма алам һаҡ ҡына.
Беҙгә күҙ ҡыҫа нурлы ай,
Ирендәрҙә йөрәк ялҡыны.
П-в: Төн йәшерә был серҙе
Асылмаҫ йоҙаҡ артына
Шатлығым йә ғазабым булып
Күктә йондоҙҙар атыла.
2. Йөрәк тибеше ҡайнар һулыш,
Мәңгелеккә әүерелһәсе.
Һөйөүемә ваҡыт һәм сит юҡ,
Янымда ҡал бәләкәсем.
П-в.
3. Хистәр ташҡына ҡайтмай ярына
Ғүмер һыуы аҡһа ла.
Мөхәббәтем минең көслө елкәндәй 
Ел һәм дауылда ла.
П-в.